Islamic real stories in Urdu || Hazrat Ali ke Faisle

-

Ek bachcha do maa



Do aurate darbar me aati hain aur Umar ibn Khattab se kehti hain ke hamare darmiyan faisla karo. Khalifa e waqt ne poochha masla kya hai?


Ek ne kaha ye bachcha mera hai aur dusri ne kaha nahi ye bachcha mera hai. Umar ne poochha ke tum logo ke pas kya daleel hai ki ye bachcha tumhara hai? Jawab mila ki kisi ke pas koi daleel nahi hai.


Ab sare darbari pareshan ho gaye ke faisla kaise kiya jaye? Khud khalifa bhi pareshan hai k kya faisla kiya jaye? Isliye ke daawa hai par daleel nahi hai.


Bil'aakhir Hazrat Ali as ki taraf rukh kiya gaya ayy Abul Hasan aap hi is masle ko hal farmaiye.


Ajab masla hai do aurate hain aur ek bachcha hai, daawa dono kar rahi hain daleel kisi ke pas bhi nahi hai. 


Hazrat Ali as ne sara masla suna aur sab se pehle aapne nasihat wa talqeeb ki k maan jao, jiska bachcha asal me hai use de do. Magar dono nahi maani. Aakhirkar Hazrat Ali as ne kaha agar tum dono mahi manogi to main wahi faisla karunga jo haq hai. 


Aapne Qambar se talwar mangwai aur kaha ke is bachche ke do hisse kar ke ek ek dono aurato ko de do. 


Jab baat yahan tak aa gayi to ek aurat khamosh rahi jabki dusri fauran bol padi main apna daawa wapas leti hu mujhe bachcha nahi chahiye aap bachcha dusri aurat ko de dijiye. 


Ameerul Momineen ne kaha bachcha isi aurat ko de diya jaye. Isliye ke ye bachcha isi aurat ka hai. 


Daleel ye hai ki jo haqiqi maa hai wo ye chahegi ke bachcha zinda rahe chahe kisi ke pas rahe.


Ye ek aisa nafsiyati faisla tha jo tarikh e Adam wa Alam me pehli bar kiya gaya. Hazrat Ali as jante the ke jo asal maa hogi wo kabhi nahi chahegi k mera bachcha maar diya jaye. 


Ye faisla sun kar Umar bahot khush hue aur kaha beshak agar Ali as na hote to Umar halaak ho jata. 

Location: Silvassa, Dadra and Nagar Haveli and Daman and Diu, India

Comments

Post a Comment

Popular posts from this blog

Aadmiyo ki qisme

-
بِسْمِ اللهِ الرَّحْمٰنِ الرَّحِيْمِ Admiyo ki qimse Hazrat Imam Jafar Sadiq as se riwayat hai ki,            Admi 3 qism ke hote hain. Alim Talib e ilm Bekar saman Yani ki wo jo na alim ho na ilm hasil karne wala ho ek bekar saman ki tarah hota hai. .           Imam Jafar Sadiq as se riwayat hai ki,           3 me se 1 bano Ya to alim bano Ya talib e ilm bano Ya ilm walo se mohabbat karne wale bano 4thi qism ke log na bano jo ahl e ilm se dushmani rakhne ke sabab halaak ho jaenge.
Read more

Adam as | Bibi Hawwa | Shaitan ka tarz e amal

-
بِسْمِ اللهِ الرَّحْمٰنِ الرَّحِيْمِ  Hazrat adam as ka imtehan Khuda Wande Alam ne farishto ki galatfehmi door karne ke liye jo ye samajhte the ki khilafat ki salahiyat unme zada hai Hazrat Adam as ko imtehangah me talab kiya. Khuda ne Hazrat Adam as ko pehle hi ilm ki daulat se nawaz diya tha kyu ki wo khilafat ke liye banaye gaye the aur khilafat ki awwal shart hi ilm hai. Farishto ko in ilm se koi ta'alluk nahi tha kyuki wo is maqsad ke liye paida hi nahi kiye gaye the unka kaam to bas ibadat karna ya jis maqsad ke liye mamoor kar diye jaye bas wo hota hai. Quran majeed me hai ki Khuda Wande Alam ne tamam asmaa Adam ko taleem kar diye aur fir farishto ke samne pesh kar ke kaha k inke naam batao. Agar tum ye samajhte ho ki khilafat e arzi ke tum asl mustahaq aur haqdar ho to. Farishto ne arz kiya Malik hum to bas wahi kuchh jante hain jo tune hame bataya hai. Iske bad Adam as se kaha k chalo ab tum naam batao. Hazrat Adam as ne sare naam bata diye. Is tarah Hazrat Adam as ki afz...
Read more