Islamic true stories in Urdu || mard e momin || Hazrat Ali as ke faisle

-

 Nijat e Mard e Momin


Safiya ek jawan aur khubsurat ladki thi. Wo ek shakhs se mohabbat karne lagi aur chahti thi ke ye shakhs us se fayl e haram ka murtakab(mujrim) ho, magar wo ek paak seerat aur ba'taqwa insan tha. 


us ladki ne bahot koshishe ki k wo shakhs 

uski giraft me aa jaye, magar wo kisi taraha bhi is baat par tayyar na hua ke wo fayl e haram anjam de. Ek din us ladki ne usse badla lene ki thaan li aur darbar e khilafat me warid hui.


Darbar me aane se pehle usne ande ki safedi apne kapde par daal li aur darbar e khilafat me shikayat ki. Is ansari ne mere sath zabardasti karne ki koshish ki hai aur iski daleel mere kapde ke dagh hain. Umar ne jab ye sara masla suna aur daawa o daleel ko samajh liya to saza ka hukm de diya.


Us mard ne kaha beshak mere pas koi daleel nahi hai lekin main begunah hu aur maine aisa koi jurm nahi anjam diya hai. Ye chahti thi magar mere inkar ki wajah se isne mujh par ye ilzam lagaya hai.


Umar ko jab ye pata chala to wo pareshan ho gaya k ek ke pas daleel hai, dusre ke pas daleel nahi aur wo apne paak daman hone par qasam bhi kha raha hai. Hazrat Ali as wahin par tashreef farma the. Umar ne lajwab ho kar pukara...


Ya Abul Hasan is mamle me aapki kya raaye hai?


Hazrat Ali as ne us aurat se poochha ke kya tu apne daawe me sachchi hai?


Usne kaha haa main sachchi hu.


Hazrat Ali as ne pani garam karne ka hukm diya. Jab pani garam ho gaya to Hazrat Ali as ne hukm diya ke isko le jao aur iske kapde par jahan jahan najasat ke aasaar hain usko garam pani me daal do.


Aisa hi kiya gaya aur ande ki safedi ubhar kar samne aai aur is tarah Hazrat Ali as ke is faisle se wo muttaqi shakhs saza se bach gaya.



Books for refrence:-


Khasais ul Aimah


Location: Silvassa, Dadra and Nagar Haveli and Daman and Diu, India

Comments

Post a Comment

Popular posts from this blog

Aadmiyo ki qisme

-
بِسْمِ اللهِ الرَّحْمٰنِ الرَّحِيْمِ Admiyo ki qimse Hazrat Imam Jafar Sadiq as se riwayat hai ki,            Admi 3 qism ke hote hain. Alim Talib e ilm Bekar saman Yani ki wo jo na alim ho na ilm hasil karne wala ho ek bekar saman ki tarah hota hai. .           Imam Jafar Sadiq as se riwayat hai ki,           3 me se 1 bano Ya to alim bano Ya talib e ilm bano Ya ilm walo se mohabbat karne wale bano 4thi qism ke log na bano jo ahl e ilm se dushmani rakhne ke sabab halaak ho jaenge.
Read more

Adam as | Bibi Hawwa | Shaitan ka tarz e amal

-
بِسْمِ اللهِ الرَّحْمٰنِ الرَّحِيْمِ  Hazrat adam as ka imtehan Khuda Wande Alam ne farishto ki galatfehmi door karne ke liye jo ye samajhte the ki khilafat ki salahiyat unme zada hai Hazrat Adam as ko imtehangah me talab kiya. Khuda ne Hazrat Adam as ko pehle hi ilm ki daulat se nawaz diya tha kyu ki wo khilafat ke liye banaye gaye the aur khilafat ki awwal shart hi ilm hai. Farishto ko in ilm se koi ta'alluk nahi tha kyuki wo is maqsad ke liye paida hi nahi kiye gaye the unka kaam to bas ibadat karna ya jis maqsad ke liye mamoor kar diye jaye bas wo hota hai. Quran majeed me hai ki Khuda Wande Alam ne tamam asmaa Adam ko taleem kar diye aur fir farishto ke samne pesh kar ke kaha k inke naam batao. Agar tum ye samajhte ho ki khilafat e arzi ke tum asl mustahaq aur haqdar ho to. Farishto ne arz kiya Malik hum to bas wahi kuchh jante hain jo tune hame bataya hai. Iske bad Adam as se kaha k chalo ab tum naam batao. Hazrat Adam as ne sare naam bata diye. Is tarah Hazrat Adam as ki afz...
Read more